PREZİDENT İLHAM ƏLİYEVİN DÜNYA AZƏRBAYCANLILARININ II QURULTAYINDAKI ÇIXIŞINDAN: «DANIŞIQLAR ƏBƏDİ DAVAM EDƏ BİLMƏZ»2006-03-16 - 15:29:00
Prezident İlham Əliyev Dünya Azərbaycanlılarının II qurultayındakı çıxışında bildirib ki, Qarabağ münaqişəsinin nizamlanmasına dair danışıqlar uzun müddətdir davam edir və müəyyən razılaşma əldə olunsa da, onları həyata keçirmək mümkün olmur. "Lakin bu danışıqlar əbədi davam edə bilməz. Bizim səbrimiz sonsuz deyil. Əgər Ermənistan bundan sonra da danışıqları imitasiya etsə, biz bunda iştirak edən deyilik" deyə İ.Əliyev vurğulayıb.
Prezident Azərbaycanın məlum mövqeyini xatırladıb: erməni qüvvələri işğal olunmuş ərazilərdən çıxmalı, məcburi köçkünlər öz torpaqlarına qayıtmalıdır. İ.Əliyev bildirib ki, Azərbaycan güzəştə getməyəcək və Qarabağ münaqişəsinin ölkənin ərazi bütövlüyü çərçivəsində həllinə nail olacaq. "Nə qədər ki, Ermənistan bizim əraziləri işğal edib, heç bir əməkdaşlıqdan söhbət gedə bilməz".
Prezident vurğulayıb ki, nə indi, nə də 10 və 100 ildən sonra biz Dağlıq Qarabağın ayrılmasına razı olmayacağıq, Qarabağ qədim Azərbaycan torpağıdır. "Əgər Ermənistan ATƏT-in Minsk Qrupunun yeni təklifləri ilə razılaşsa və danışıqlar zamanı səmimi olsa, onda sülh olacaq. Nizamlanma zamanı beynəlxalq milli muxtariyyət təcrübəsindən istifadə oluna bilər".
Dövlət başçısı qeyd edib ki, Azərbaycan bundan sonra da öz hərbi gücünü möhkəmləndirmək niyyətindədir. 2006-cı ildə hərbi büdcə 100% artıb, gələcəkdə isə bu rəqəm daha da artaraq Ermənistanın bütün dövlət büdcəsinə bərabər olacaq. "Ermənistan heç zaman Azərbaycanla rəqabət apara bilməz. Yerevan bunu nə qədər tez başa düşsə, o qədər yaxşıdır. Ermənistan özü də Azərbaycanla razılığa gəlməkdə və əməkdaşlıqdan faydalanmaqda maraqlıdır".
Prezident xatırladıb ki, Ermənistan regional layihələrdən təcrid olunub, mühüm kommunikasiyalardan kənarda qalıb. "Bunu biz etmişik. Çünki Ermənistan öz təcavüzkar siyasətindən əl çəkmir".
Diasporumuzun Azərbaycan reallıqlarının beynəlxalq ictimaiyyətə çatdırılmasında mühüm rol oynadığını vurğulayan prezident daha sonra əlavə edib: "Mən çox istərdim ki, azərbaycanlılar yaşadıqları ölkənin ictimai-siyasi həyatında mühüm rol oynasınlar". Prezident diaspor nümayəndələrini yaşadığı ölkələrin siyasi partiyalarında iştiraka, qanunvericilik orqanlarında təmsil olunmağa çağırıb. "Bu bizim mövqeləri möhkəmləndirir. İqtisadi baxımdan bizim mövqelərimiz möhkəmdir, indi də siyasi baxımdan möhkəmlənmək lazımdır".
"Bizim gücümüz sizin fəaliyyətinizdə, sizin də gücünüz Azərbaycan dövlətinin gücündədir. Ölkəmiz nə qədər güclü olsa, siz də o qədər güclü olacaqsınız" deyə İ.Əliyev qurultayda təmsil olunan diaspor nümayəndələrinə müraciət edib.
Ильхам Алиев: «Армянская сторона ответит перед мировой общественностью за этническую чистку» 16 Марта 2006 [13:41] -
Day.AzПрезидент Азербайджана Ильхам Алиев, выступая на втором Съезде азербайджанцев мира, разъяснил позицию нашей страны относительно урегулирования нагорно-карабахской проблемы.
Глава государства подчеркнул, что Армения является моногосударством, в которой не может жить ни одна другая нация. «Больше 99% проживающих в этой стране - армяне», - отметил он.Алиев подчеркнул, что Азербайджан никогда не позволит, чтобы страна, оккупировавшая нашу территорию, участвовала в региональных проектах. По его словам, оккупационные амбиции Армении препятствуют ее развитию. Алиев заявил, что переговорный процесс не может быть вечным. «Терпение властей и народа заканчивается. Если мы почувствуем имитационность переговоров, мы не будем участвовать в них», - подчеркнул он.Президент также заявил, что конфликт может быть решен лишь в рамках территориальной целостности страны, и лишь в таком случае Азербайджан пойдет на подписание мирного соглашения. По его словам, Азербайджан готов предоставить статус автономии Нагорному Карабаху, и этот успешный мировой опыт может быть использован в данном вопросе. «Если же мы увидим, что Армения намерена нарушить мирный процесс, то Азербайджан вынужден будет пересмотреть свою политику».Глава государства сообщил о том, что поставил задачу довести военный бюджет Азербайджана до общего бюджета Армении. «Армения не сможет соперничать с нами, и чем раньше она это поймет, тем лучше», - заявил Президент.У.Керимова
BU GÜN İLAXIR ÇƏRŞƏNBƏDİR
Bu gün ayın-ilin axır çərşənbəsidir. Məlum olduğu kimi, qədim elat tərəkəmələri özlərinə yağı hesab etdikləri qışı üç hissəyə bölüblər: böyük çillə, kiçik çillə və boz ay. İndi biz martın 20-də başa çatacaq boz ayın son günlərindəyik.
Qışdan qurtulmağımıza bir şey qalmayıb, cəmi iki-üç günün söhbəti var. Bir neçə gün sonra qeyd edəcəyimiz Novruz bayramına hazırlıq isə əslində düz qırx gün əvvəl başlanıb, bir-birinin ardınca gələn çərşənbə axşamları, biş-düş, təmizlik işləri və s. Beləcə, bu gün ilaxır çərşənbəni də yola veririk, qalır bayram günləri.
Yeri gəlmişkən, çərşənbələrin ardıcıllığı ilə bağlı bir məqama diqqət yetirmək istərdik. Məsələ ondadır ki, çərşənbələrin ardıcıllığı ilə bağlı müxtəlif mülahizələr var. Məsələn, tədqiqatçı Mürsəl Həkimov onları bu ardıcıllıqla düzür: Su çərşənbəsi, Od çərşənbəsi, Torpaq çərşənbəsi və Yel çərşənbəsi.
M.Həkimovun yazdığına görə, türk-müsəlman dünyasında Yel çərşənbəsi Yeni ilin yeni günü üçün bütün çərşənbələrin yekun mərhələsi, ən şərəfli, təmtəraqlı çərşənbədir. Bu çərşənbədə Yel baba suyun, yerin donunu açır, odu üfləyir, Günəşin qarşısını kəsən qara buludları qovur, onun şöləsini artırır. Xalq arasında yayılan avazlamalarda da yelin təbiətə faydası, onun gətirdiyi xeyir, ona olan ümidlər əks olunub:
A Yel babam, Yel əs gətir,
Xeyir xəbər-səs gətir.
Yeni ilin yeni ayında,
Yeddi ilin yeni ayında,
Yeddi əmlik kəs, gətir!
Deyilənə görə, sonuncu çərşənbə günündə göydəki ulduzları saysan, ürəyində tutduğun bütün arzuların yerinə yetər. Ümumiyyətlə, Novruzla bağlı olan falaçmaların əksəriyyəti məhz ilaxır çərşənbə axşamında yerinə yetir. Bu çərşənbənin xarakterik xüsusiyyətləri papaqatdı, qapıpusma kimi adətlərdir. Sonuncu çərşənbə axşamında gənclər və uşaqlar qonum-qonşunun evinə papaq atır və bir kənarda gizlənib pay istəyirlər. Həmin papaqlara şəkərbura, paxlava, müxtəlif növ şirniyyat, qoz-fındıq qoyulub geri qaytarılır və bu da Yeni ildə insanların daha mehriban, ruzi-bərəkətli olmasına hesablanan bir ayindir. Bundan başqa, axırıncı çərşənbə axşamında niyyət edib qapı pusmaq da geniş yayılıb. Bu gün nişanlı qızların, eləcə də ürəyində böyük arzuları olan hər bir insanın niyyət edib qapı pusması məsləhət görülür. İnanclara görə, əgər bu axşam xoş söz, xeyir xəbər eşitsən, ürəyindən keçənlərin hamısı çin olar. Həmçinin Novruz bayramının simvolları olan şəkərbura-paxlavanın sonuncu çərşənbə günündə süfrədə olması vacibdir.
Bayramınız – Yeni iliniz mübarək olsun!
Həbibə ABDULLA
Kim apardı?!Sevincimiz qəmə düşdü,
Qismətimiz kimə düşdü?
Özümüzə demə düşdü!
Kim bölüşdü, kim apardı?
Haqqı qovduq, yol uzandı,
Min tərəfdən dil uzandı,
Payımıza əl uzandı,
Kim bölüşdü, kim apardı?
Bütün sözlər yalan oldu,
Yükümüz boş palan oldu,
Varlığımız talan oldu...
Kim bölüşdü, kim apardı?
Piruz Dilənçi
DÜNYANIN ƏN VARLI AZƏRBAYCANLISI 2006-03-13 - 17:51:00
ABŞ-ın «Forbes» jurnalının tərtib etdiyi dünyanın ən varlı adamlarının – 793 milyarderin siyahısında 37-ci yeri «Lukoyl» neft şirkətinin prezidenti Vahid Ələkbərov tutur. Onun varidatı 11 milyard dollar həcmində qiymətləndirilir.
V.Ələkbərov «Forbes»in siyahısında adı olan yeganə azərbaycanlıdır. (Yeri gəlmişkən, ötən həftə bəzi KİV-lər «Forbes»in siyhasına düşən Süleyman Əbusəidoviç Kərimovu da azərbaycanlı kimi təqdim edib. Lakin Rusiya Dövlət Dumasının deputatı S.Kərimov azərbaycanlı deyil, o, Dağıstanda dünyaya gəlib və milliyyətcə ləzgidir).
«Media forum» saytı dünyanın ən varlı azərbaycanlısının keçdiyi yola qısa nəzər yetirmək qərarına gəlib.
Vahid Yusif oğlu Ələkbərov 1950-ci il sentyabrın 1-də Bakıda neftçi ailəsində doğulub. Əslən Cənubi Azərbaycandan olan atası Yusif Kərbəla oğlunu 3 yaşında itirib.
V.Ələkbərov əmək fəaliyyətinə Məşədi Əzizbəyov adına Azərbaycan Neft və Kimya İnstitutunda (indiki Neft Akademiyası) təhsil aldığı vaxt «Kaspromneft» müəssisəsinin 2 nömrəli mühəndis-texnoloji xidmətində neft və qaz hasilatı üzrə operator kimi başlayıb. İnstitutu 1974-cü ildə neft və qaz mədənlərinin emalının kompleks mexanikləşdərilməsi və texnologiyası üzrə dağ mühəndisi ixtisası üzrə bitirib.
Növbəti 20 ilə yaxın müddətdə V.Ələkbərovun əmək stajı belə olub:
1974-1977 - «Kaspromneft»in 2 nömrəli mühəndis-texnoloji xidmətində neft və qaz hasilatı üzrə operator;
1977-1978 - «Kaspromneft»in 2 nömrəli mühəndis-texnoloji xidmətində növbə rəisi;
1978 - «Kaspromneft» müəssisəsində neft və qaz hasilatı üzrə usta;
1978-1979 - baş mühəndis, «Kaspromneft»də mədən rəisinin müavini;
1979 - SSRİ Neft Sənayesi Nazirliyinin nəzdində olan «Surqutneftqaz» müəssisəsinin 2 saylı «Fedorovskneft» neft mədəninin baş mühəndisi;
1979-1980 - «Fedorovskneft» mədəninin rəisi;
1980-1981 - «Surqutneftqaz»ın nəzdində olan «Xolmoqorneft» müəssisəsinin baş mühəndisi, texnoloji xidmətin rəisi;
1981-1983 - «Surqutnefqaz»ın nəzdindəki «Ləntorneft»in (Tümen vilayətinin Surqut rayonunun Lənqtər qəsəbəsi) baş mühəndisi, rəis müavini;
1983-1985 - «Povxneft»də idarə rəisi;
1985-1987 - «Başneft» müəssisəsinin baş direktorunun birinci müavini;
1987-1990 - «Koqalımneftqaz»ın baş direktoru;
1990-1991 - SSRİ neft və qaz sənayesi nazirinin müavini;
1991-1992 - SSRİ neft və qaz sənayesi nazirinin birinici müavini.
1991-ci ilin sonunda V.Ələkbərov Perm, Volqoqrad və Majeyski (Litva) zavodları ilə «Lanqenpasneftqaz», «Urayneftqaz» və «Koqalımneftqaz» (sonradan bu üç zavodun baş hərfləri «LUKoyl» şirkətinin adına çevrildi) arasında müqavilənin imzalanmasına nail olaraq Rusiyada ilk neft konsernini yaradıb.
1993-ci ildən indiyədək «Lukoyl» şirkətinə prezidentlik edən V.Ələkbərov «Şərəf nişanı», Dostluq ordeni, «Qərbi Sibirin dərinliklərinin öyrənilməsi və neft-qaz kompleksinin inkişaf etdirilməsinə görə» medalı ilə təltif olunub.
İqtisad elmləri doktorudur.
V.Ələkbərov dünyada rəsmən milyarder kimi tanınan yeganə azərbaycanlıdır. O, Rusiya vətəndaşıdır.
Ailəlidir, Yusif adlı bir oğlu var.
«Media forum»
Bu da belə deyir :
Dünyanın ən varlı adamlarından ikisi azərbaycanlıdırAmerikanın məşhur «Forbes» məcmuəsi martın 9-da dünyanın ən varlı adamlarının siyahısını dərc edib
Ülviyyə Əsədzadə
Siyahıda 1-ci yerdə "Microsoft" şirkətinin prezidenti Bill Qeyts dayanır. 50 yaşlı amerikalı biznesmenin 50 milyard dollar pulu var.
İlk onluğa ABŞ-la yanaşı, Meksika, Honq-Konq, Kanada, İsveç, Hindistan, Səudiyyə Ərəbistanı və Fransa milyarderləri daxildir.
Siyahıda Rusiyada fəaliyyət göstərən azərbaycanlı biznesmenlər – Vahid Ələkbərov və Süleyman Kərimovun da adı var. 55 yaşlı Vahid Ələkbərovun 11 milyard dollar, 40 yaşlı Süleyman Kərimovun isə 7.1 milyard dollar pulu var.
«FORBES»in HESABLAMASINA GÖRƏ, DÜNYADA 793 MİLYARDER VAR. ONLARDAN BİRİ AZƏRBAYCANLIDIRABŞ-ın «Forbes» jurnalı dünyanın ən varlı adamlarının - milyarderlərin siyahısını açıqlayıb. Milyarderlərin reytinq cədvəli tərtib olunarkən onların banklardakı pullarından başqa mülkləri, villaları, avtomobilləri və s. nəzərə alınıb.
Jurnalın hesablamasına görə, dünyada 793 nəfər milyarder var.
Dünyanın ən varlı adamı əvvəlki kimi «Maykrosoft» (Microsoft) şirkətinin sahibi Bill Geytsdir. Onun varidatı 50 milyard dollar təşkil edir. Ən varlı adamların siyahısında B.Geytsin liderlik etdiyi ilk onluq belədir:
1. Bill Geyts (ABŞ) – 50 milyrad dollar;
2. Uorren Buffet (ABŞ) - 42 milyard dollar;
3. Karlos Slim Helu (Meksika) - 30 milyard dollar;
4. İnqvar Kamprad (İsveç) - 28 milyard dollar;
5. Lakşmi Mital (Hindistan) – 23,5 milyard dollar;
6. Pol Alen (ABŞ) - 22 milyard dollar;
7. Bernard Arnold (Fransa) – 21,5 milyard dollar
8. Şahzadə Əvəlid Bin Talal Əl-Səid (Səudiyyə Ərəbistanı) - 20 miylard dollar;
9. Kennet Tomson (Kanada) – 19,6 milyard dollar;
10. Li Ka-Şinq (Honkonq) – 18,8 milyard dollar.
Siyahıda Azərbaycan vətəndaşı olmasa da, azərbaycanlı var. Söhbət 793 milyarderin arasında 37-ci yerdə duran Rusiyanın «Lukoyl» şikrətinin prezidenti Vahid Ələkbərovdan gedir. V.Ələkbərovun varidatı 11 miylard dollar həcmində qiymətləndirilir. Müqayisə üçün deyək ki, ötən il V.Ələkbərovun var-dövləti 4,3 milyard dollar həcmində qiymətləndirilmişdi. Onu da bildirək ki, siyahıdakı postsovet ölkələrindən olan milyarderlər əsasən Rusiya vətəndaşlarıdır.
Ötən illə müqayisədə dünyada milyarderlərin sayı 102 nəfər artıb. Ümumilikdə dünya milyarderlərinin variadtı 2,6 trilyon dollar təşkil edir. Siyahıdakı milyarderlərdən yalnız 78 nəfəri qadındır.
www.rap-az.com məncə əməlli başlı yeri var....
www.sumqayit.com bunun da yeri var, həmişə və hər yerdə yeri olan şəhər haqqında.....
BELE ŞEYİN COMMENTİ OLMAZ!!!!
Dünən Prezident İlham Əliyev Qarabağ bölgəsinə səfər edib.
Səfərə Ağdam rayonundan başlayan ölkə başçısı burada məcburi köçkünlərin məskunlaşdığı Dörd yol yaşayış məntəqəsində olub. Qeyd edək ki, Ağdamda məcburi köçkünlər üçün 12 yaşayış məntəqəsi tikilməkdədir. Yeni salınan qəsəbələrdə 3860 yaşayış evi, 15 məktəb, 5 uşaq bağçası inşa ediləcək. Tikintilər gələn ilin sonunadək başa çatacaq. İlham Əliyev qəsəbələrlə tanışlıqdan sonra rayonun Quzanlı kəndində tikiləcək Olimpiya İdman Kompleksinin təməlqoyma mərasimində iştirak edib. Daha sonra rayonda məcburi köçkünlər üçün tikilmiş qəsəbəyə baş çəkərək, orada məskunlaşan sakinlərlə görüşüb. Sakinlər qarşısında çıxış edən Prezident bildirib ki, Azərbaycanla Ermənistan arasında danışıqlar uzun müddətdir davam edir və təəssüflər olsun ki, bu danışıqlar nəticə vermir: "Hər zaman növbəti danışıqlar zamanı yeni ümidlər ortaya çıxır, amma Ermənistanın qeyri-konstruktiv münasibəti üzündən puça çıxır. Ermənistanın bu cür rəftarı Azərbaycana öz siyasətinə yenidən baxmağa sövq edir. Azərbaycan atəşkəsə hər zaman sadiq olub və bundan sonra da sadiq olacaq". Dövlət başçısının sözlərinə görə, Azərbaycanın əsas mövqeyi münaqişənin sülh yolu ilə həll olunmasıdır və bunun üçün müəyyən format da mövcuddur. Bu format çərçivəsində ATƏT-in Minsk qrupu ilə məsləhətləşmələr aparılır. Danışıqların son mərhələsində sülh sazişinin əsas prinsiplərinin razılaşdırılması üçün məqam da yaranıb. Lakin Ermənistan bir daha sübut edir ki, o bu prinsiplərin reallaşdırılmasında maraqlı deyil və qeyri-konstruktiv münasibətini davam etdirir. Prezident bəyan edib ki, Azərbaycan bundan sonra nə edəcəyi barədə fikirləşməlidir. Daha sonra yerli sakinlərlə görüşən İlham Əliyev onların problemləri ilə maraqlanıb. Prezident bildirib ki, bundan sonra da onların vəziyyətinə diqqət artırılacaq, iqtisadi imkanlar yaradılacaq, iş yerləri açılacaq. Dövlət başçısı İlham Əliyev qəsəbələrlə tanışlıqdan sonra Quzanlıya gedərək, orada Heydər Əliyevin abidəsi önünə əklil qoyub. Məcburi köçkünlər üçün yeni salınan Bənövşələr qəsəbəsinə gedən Prezident orada məcburi köçkün ailəsində qonaq olub. Prezidentə bildirilib ki, bu qəsəbənin salınması üçün 6 milyon AZN-dən çox vəsait xərclənib. Bu qəsəbədə 460 ailə (1893 nəfər) məskunlaşıb. Qəsəbədə yerləşən 2 saylı orta məktəbə baş çəkən Prezident bir müddət əvvəl Azərbaycanda çadır şəhərciklərinin qalmayacağı barədə vəd verdiyini xatırladıb. İlham Əliyev bildirib ki, çadır şəhərcikləri yeni tipli qəsəbələrlə əvəz olunur və olunacaq: "Mən sözümə əməl etdim. Hazırda Azərbaycanın böyük bir problemi var, bu, Qarabağ problemidir. Digər problemləri tədricən aradan qaldırırıq, sosial problemlər həll edilir, bütün sahələrdə iş gedir. Qarabağ probleminin həll olunması üçün də danışıqlar aparılır. Ancaq bizim səbrimiz də tükənməz deyil. Torpaqlarımızı güzəştə getmək fikrimiz yoxdur. Biz istər hərbi, istərsə də digər sahələrdə Ermənistandan qat-qat güclüyük. Ermənistan heç vaxt bizimlə rəqabət apara bilməz". İlham Əliyev Tərtər rayonunun cəbhə xəttinə, yaxın kəndlərinə də baş çəkib. Hərbi qulluqda olan əsgərlərlə görüşən İlham Əliyev hərbi texnikanın vəziyyəti ilə də maraqlanıb. Ali Baş Komandan səngərdə olduğu vaxt təmas xəttindəki vəziyyəti müşahidə edib. İlham Əliyev bildirib ki, əsgərlər və hərbi texnika ilə tanışlıqdan sonra bir daha Azərbaycan ordusunun güclü olduğuna əmin olub: "Tərtər düşmənlə üz-üzə dayanan rayondur. Burada inkişafa daha çox ehtiyac var və biz rayonun inkişafı üçün əlimizdən gələni edirik. Tərtərin inkişafı üçün dövlət büdcəsindən lazımi vəsait ayrılır. Ehtiyac olarsa, bundan sonra ayrılan vəsaitlər artırılacaq". İlham Əliyev qeyd edib ki, səfər çərçivəsində Tərtərin və rayonətrafı yolların bərpasının yenidən həyata keçirilməsi üçün tapşırıq verilib. İlham Əliyev Dağlıq Qarabağ probleminin həlli yollarına da toxunub: "Problemin həllinin iki yolu var - ya sülh, ya da hərb. Problemin həlli üçün sonda hansına ehtiyac yaranacaqsa, biz bu yolu seçəcəyik". Daha sonra Tərtər rayonunun mərkəzi prospektinə gələn İlham Əliyev burada Heydər Əliyevin abidəsinin açılış mərasimində iştirak edib. Mərasimdə çıxış edən İlham Əliyev bildirib ki, Azərbaycan Dağlıq Qarabağ münaqişəsinin həllində hazırda diplomatik yola üstünlük versə də, gələcəkdə müxtəlif həll variantlarından istifadə edə bilər. Prezidentin sözlərinə görə, danışıqların gedişindən asılı olaraq hərbi variantdan da istifadə edilə bilər. İlham Əliyev bildirib ki, istənilən halda münaqişə Azərbaycanın ərazi bütövlüyü çərçivəsində həll ediləcək və rəsmi Bakının bu mövqeyi dəyişməzdir. Prezident danışıqlarda müəyyən irəliləyişlərin olduğunu, münaqişənin həlli üçün sülhməramlıların da cəlb olunacağının da istisna olmadığını deyib. İlham Əliyev daha sonra Bərdə rayonuna gələrək, ümummilli lider Heydər Əliyevin abidəsinin və muzeyinin açılışına qatılıb. Prezident muzeyin açılışından sonra Bərdə ictimaiyyəti ilə görüşüb. İlham Əliyev buradakı çıxışında bildirib ki, Prezident kimi Bərdəyə üçüncü səfəridir. Dövlət başçısı bu səfərində Bərdədə inkişaf getdiyini, yeni sənaye müəssisələri, məktəblər tikildiyini diqqətə çatdırıb. Sosial-iqtisadi inkişafdan danışan dövlət başçısı vurğulayıb ki, ölkədə yoxsulluğun səviyyəsi 2003-cü ildə 49 faiz idisə, indi 29 faizə enib. Prezident Azərbaycanın iqtisadi və siyasi inkişafını region dövlətləri ilə müqayisə edərək, regiondakı bəzi ölkələrin müstəqil siyasət yürütməyə çətinlik çəkdiklərini deyib: "Ancaq Azərbaycanın belə problemi yoxdur". İlham Əliyev prezident seçkiləri ərəfəsində verdiyi vədləri yerinə yetirdiyini də bildirib: "Regionların inkişafında əsas vəzifə yerli məmurların üzərinə düşür. Mənim məmurlardan tələbim ləyaqətlə işləmələridir. Əgər məmurlar ləyaqətlə işləsələr, Azərbaycanda heç bir problem qalmaz". Sonra İlham Əliyev Bərdədəki Müalicə Diaqnostika Mərkəzinin təməlqoyma mərasimində iştirak edib. Qeyd edək ki, bu mərkəz Azərbaycan Dövlət Neft Şirkətinin hesabına tikilir. Şirkətin prezidenti Rövnəq Abdullayev mərkəzin 10 aya təhvil veriləcəyini və 4 mərtəbəli xəstəxananın dünya standartlarına uyğun olacağını deyib. Prezident həmçinin daxili qoşunların Bərdədə tikilən hərbi hissəsində gedən işlərlə tanış olub. Burada Prezidenti daxili işlər naziri Ramil Usubov qarşılayıb. Tikinti işlərinin gedişatı barədə məlumat verən nazir bildirib ki, hərbi hissənin 500 yerlik yataqxana, 1000 nəfərlik yeməkxanası olacaq. Dövlət başçısı nazir Ramil Usubova hərbi hissənin içərisində zabitlər üçün hərbi şəhərcik tikilməsi ilə bağlı da göstəriş verib. Səfərin sonunda isə Prezident İlham Əliyev Bərdə, Tərtər və Ağdam rayonlarının icra başçılarının iştirakı ilə rayonların sosial-iqtisadi inkişafına həsr olunan müşavirə keçirib. İlham Əliyev rayonların icra başçılarına müvafiq tapşırıqlar verib.
